mr-ziko
عضو مميز
عدد المساهمات : 33
تاريخ التسجيل : 13/06/2010
العمر : 35
الموقع : www.facebook.com/dr.ziko
 |  موضوع: ثقــــاااااافه حلوة ..... آخر حاجة !!  الجمعة يناير 14, 2011 3:03 am | |
| 
عندنا حاجه غريبه قوي ... نفسي الاقي تفسير منطقي ليها . 
كل الناس عندها ثقافة غريبه جدا ً اسمها ثقافة ....... آخر حاجة , كتير مننا عايشيين وهما مش
واخدين بالهم منها , وكتير زيهم بياخدوا بالهم منها ... لكن مع اللي حواليهم !!
--
تلاقي من اول العيل الصغير اللي بيلعب في الشارع ... يفضل صايع طول اليوم زي اللي مالووش اهل
ولما مامته تنده عليه يقولها خلاص هي دي آخر حاجه ... والله يا ماما آخر دور ... والله آخر لعبه هاخلص
واجي .... وكأن آخر دور ده هو اللي هيحسسه إنه لعب وإن اليوم مضعش عليه !!!
--
وتيجي بقى على الكبار ودي نيله تانيه ...
تلاقي فيهم اللي ما يتوصفش ... واحد تلاقيه ماسك كوباية الشاي ويفضل يشرب فيها وتلاقي عينه
على الكوباية من تحت وكل ما الشاي يقرب يخلص تلاقيه فاضل شويه ويغمض عينه ويشغل موسيقى
مون امور و ويسرح وهو بيشربها ومعظمهم يقولك ده الشويه الآخرانيين دول هما اللي فيهم الطعم !!! وللاسف تلاقي واحد
مقرف ...... أكيد عارفين اقصد ايه ؟؟
ويااا ستااااااااااااار بقى لو واحد بيشرب عصير ... بتكلم عن الشباب ... برضه في اعتقادة ان لو مكنتش
الشيلمووه تحلفله انها بتجيب هوا ميصدقش ان العصير خلص !!!
----
وتلاقي الواد من دووووول قاعد طول اليوم مرزوووووع ... او بمعنى ادق مزروووووووووووع ... قدام الجهاز ما بين نت
وأفلام ودون لود وأمه ولا أبوه تيجي تقوله يا ابني بقينا نص الليل قوم عندك محاضره أو مشوار أو
مسافرين بكره ... أو حتى قوم عينك هتوجعك .. تلاقيه يرد هعمل حاجه اخيره وقايم !!! .... كأن الحاجة الاخيره دي عمره ما كان هيفتكرها غير لما اهله كلموه !!!!!!!!!!!!!!!!!!!!!!!!!!
---------------------------
وتلاقي بعض الناس ودي اللي تصرفها ملوووش مثيل ... ممكن يكون شاحن كارت 10 او 25 وممكن اكتر
وعامل طول الوقت ان رصيد كتير و ممكن يكون بيضيعه على حاجه تافه وهزار وكلام فاضي مع اصحابه
ولما يحس ان الرصيد قرب يخلص او كانت اخر دقيقه وكان نفسه يعمل مكالمه ضروريه جدا لواحد مسافر او عايز كتاب من واحد صاحبه ومش بعيد تكون مسالة حياة او موت ميرضاش يتصل بيه وتلاقيه يديله ميسد ملووش معنى او باعت كلمني .!!! وتساله يقولك دي اخر دقيقه .. وعايز احافظ عليها !!!!! 
--
دا انا فمره بتكلم مع مراتي ... بكالريوس تمريض ... عن حالات بتجيلهم المستشفى قالتلي على حاجه تموت م الضحك ... لما بتيجي تشيل المحلول اللي معلقاه للناس ويكون خلاص المحلول خلص بص فاضل فيه شويه صغيرين ... اللي متعلقله المحلول او حد من اهله بيتخانق معاها ويقولها سيبي المحلول لما يخلص الشويه اللي تحت دول هما اللي فيهم الشفا !!!!!!!!!!!!!!!!!! --- يمكن لاهمية آخر حاجه في حياتنا .. بقينا نبين ده في كلامنا وتعليقتنا زي اللي بيقول انت روش اخر حاجه !! موضوع جامد اخر حاجه !! او حتى جول جامد اخر حاجه !! يمكن لان اخر حاجه دي بتقى حلوه في عينينا اخترعنا ثقافة حلوة .. آخر حاجه ههههههههههههههههه | |
|
بوسى
مشرف مميز
عدد المساهمات : 61
تاريخ التسجيل : 17/06/2010
العمر : 38
| |
mr-ziko
عضو مميز
عدد المساهمات : 33
تاريخ التسجيل : 13/06/2010
العمر : 35
الموقع : www.facebook.com/dr.ziko
| | موضوع: رد: ثقــــاااااافه حلوة ..... آخر حاجة !! الجمعة يناير 14, 2011 7:48 am | |
| | |
|
عـــــــــــــــــــــاااااااااااااااارف