قصيدة ( أنا آسفة ) بقلم صديقي ..وليد جودة ( أبو عدنان )

قصيدة ( أنا أسفة ) شعر / أبوعدنان

قصيدة ( أنا آسفة ) بقلم صديقي ..وليد جودة ( أبو عدنان ) Avatar8519_13

أنا أسفة

على لسانها

تقول : أسفة
أنا مملكش غير قلبى

ومش ناوية أبيعه لحد
وأنا وبجد ...
حبيتك
لكن خايفة
وشايفة السكة مسدودة
بمليون سد
ومتقوليش أنا جنبك
هنقدر نقتل الأحزان
وهنكسر جدار الخوف
أنا أسفة
أنا مش قد أحلامك
ومش هقدر أطير وياك
وأنا جناحى جبان وضعيف
أنا أسفة
أنا مش حمْل أى ظروف
تمّوت فيا أحلامى
تمّوتنى
أنا أسفة
أنا مش عايزة أجى فى يوم وأتندم
وأقول من حزنى ياريتنى
يا ريتنى ما سبت لك قلبى
وياريتنى
يا ريتنى ما كنت حبيتك
ولا أنت كنت حبتنى
أنا أسفة
أنا مش قد قولة آه
ومش عايزة أشوف نفسى
حبيبة حد بتمناه
وهو عذابى أو فرحى
ميفرقشى ف حاجة معاه
أنا أسفة
أنا عشقاك
ولكن من بعيد لبعيد
وبتمنى أعيش وياك
لكن خايفة صيامى يطول
وميجيش عيد
انا أسفة
أنا خايفة لنارى تزيد
ومعرفشى أطفيها
أنا أسفة
أنا مش قد دمعة حزن تجرحنى
ومقدرشى أخبيها
أنا أسفة
أنا خايفة لموصلشى فى ليلة لبر
أنا أسفة
أنا قلبى ميقدرشى يعيش غير حر
أنا أسفة
أنا خايفة معاك لأتغــر
وأطير على فوق
توصلنى السما السابعة
وفجأة أفوق
وألاقينى ف سابع أرض
أنا أسفة
أنا قررت ...
أقيم الحد على قلبى
وأقتل فيا كلمة شوق
أنا أسفة
أنا قررت إنى أفوق
وما أرجعشى
فسامحنى وما تزعلشى
ومتندهشى عليا ف يوم
ولوم الدنيا
لوم نفسك
وما تلومنيش
أنا كان نفسى والله ف حضنك أعيش
لكن أنت اللى خليتنى ...
أخاف منك
بتحكيلى عن اللى كانوا من قبلى
وتكتبلى قصايد شعر مش فيا
وبتقول إنها ليا
وتبقى معايا ولسانك ...
بينده اسمها هيّ
وتقول : أسف
متتأسفش
أنا قررت ما أرجعشى
ولا هقبل أسفْ تانى
على لسانى أقول : أسف
واقوم وأمشى
فلاقيها ...
بتندهلى
وتجرى ورايا تلحقنى
وترمى حضنها ف حضنى
وتقول : أسفة
أنا ع البعد ما أقدرشى
أنا ....
أسفة

[ندعوك للتسجيل في المنتدى أو التعريف بنفسك لمعاينة هذا الرابط]

ومش عايزة أشوف نفسى
حبيبة حد بتمناه
وهو عذابى أو فرحى
ميفرقشى ف حاجة معاه
أنا أسفة

[ندعوك للتسجيل في المنتدى أو التعريف بنفسك لمعاينة هذا الرابط]

فلاقيها ...
بتندهلى
وتجرى ورايا تلحقنى
وترمى حضنها ف حضنى
وتقول : أسفة
أنا ع البعد ما أقدرشى
أنا ....
أسفة

ليتها كانت تستطيع ....
فهو لكل ما قالته علي لسانها
لا يستحقها.... و لا يستحق حبها
....

انا اسفة ...^_^

قـــال لها وهُو يصالحـــها :... هـَــيا إبتـَــسمــي‘ ...كـَــي أطمـَــئنَ أنـَــكِ رضيتي ...

فبتـَــسمت لـــه’ وهي تـَــهمسُ في ســرها ..

لـــم أرضَ بــعد‘ ولـــكن‘ تبـــآ لقلـــبي‘ كــــمَ يـُــحَــبُ إرضـــائـَــك ..!!.

[ندعوك للتسجيل في المنتدى أو التعريف بنفسك لمعاينة هذا الرابط]

و لا ادري لماذ ذكرتني هذه القصيدة بكلمات رسالة من تحت الماء للرائع نزار قباني

إن كنت صديقي.. ساعدني

كي أرحل عنك..

أو كنت حبيبي.. ساعدني

كي أشفى منك

لو أني أعرف أن الحب خطيرٌ جداً

ما أحببت

لو أني أعرف أن البحر عميقٌ جداً

ما أبحرت..

لو أني أعرف خاتمتي

ما كنت بدأت...

إشتقت إليك.. فعلمني

أن لا أشتاق

علمني

كيف أقص جذور هواك من الأعماق

علمني

كيف تموت الدمعة في الأحداق

علمني

كيف يموت القلب وتنتحر الأشواق

*

» (حتى تكتمل الرواية) قصة بوليسية بقلم : أبو عدنان
» قصيدة أنا وحبيبتي والخوف بقلم د.حسام عبد العظيم
» قصيدة امتحان ...بقلم د /حسام محمد عبد العظيم ...كتابة وفيديو
» قصيدة الى رجل لنزار قباني
» قصيدة لأبو الأسود الدؤلي :